មេរៀន​ជីវិត​ទាំង ៨ ពី​មហាសេដ្ឋី Warren Buffett ដែល​អ្នក​គួរ​រៀនសូត្រ​តាម

១) វិនិច្ឆ័យ​ឲ្យ​បាន​ត្រឹមត្រូវ​មុន​វិនិយោគ 

​លោក Warren Buffett បានសម្រេច​ចិត្ត​ធ្វើការ​វិនិយោគ​ទៅតាម​គំនិត​ដែល​ចេញពី​ខួរក្បាល​លោក​ផ្ទាល់​មិនមែន​តាម​បញ្ជា​មនុស្ស​នៅ​ពី​ក្រោយខ្នង​លោក​ឡើយ​។ លោក Buffett ធ្លាប់បាន​និយាយ​សម្តី​មួយ​ឃ្លា​ថា​លោក​ជ្រើសរើស​បើ​ក្រុមហ៊ុន​មួយ​ដែល​ល្អ​អស្ចារ្យ ហើយ​សូម្បីតែ​មនុស្ស​ល្ងង់​ក៏​អាច​ដំណើរការ​វា​បានដែរ​។ 

២) កុំ​បំភ្លេច​សារជាតិ​ដើម​របស់ខ្លួន 

​នៅពេលដែល​លោក​Warren Buffett នៅ​សិក្សា​ថ្នាក់​វិទ្យាល័យ​លោក​មាន​ការងារ​មួយ​ជា​អ្នកដើរ​ចែកចាយ​កាសែត The Washington Post​។ លោក Buffett ពន្យល់ថា​ការងារ​ដំបូង ដែល​ធ្វើ​ឲ្យ​វា​ទៅជា​ទំនាក់ទំនង​មួយ​ដែល​មិន​សាបរលាប​ជាមួយ​កាសែត​នោះ គឺ​ការបម្រើ​ក្រុមហ៊ុន​ដោយ​គិតថា​វា​ជា​ភាគហ៊ុន​ដ៏​ធំ​របស់ខ្លួន​។ 

៣) ត្រូវ​រស់នៅ​ឲ្យ​បាន​ក្រោម​ចំណូល​របស់ខ្លួន 

​បើទោះបីជា​លោក Buffett មានទ្រព្យ​សម្បត្តិ​ច្រើនជាង ៣៩ ពាន់​លាន​ក៏ដោយ​លោក Buffett បានរស់នៅ​ក្នុង​ផ្ទះមួយ​ដែលមាន​តម្លៃ ៣១ ៥០០ ដុល្លារ​ប៉ុណ្ណោះ ដែល​លោក​បាន​ទិញ​វា​ក្នុង​ឆ្នាំ ១៩៥៨ ហើយ​លោក​ហៅ​ការទិញ​ផ្ទះ​នោះ​ថា​ជាការ​វិនិយោគ​ដ៏​ល្អ​បំផុត ជំនួស​ឲ្យ​ការ​ក្ស័យធន នៅពេល​អ្នកចំណាយ​ច្រើន​តាម​ចំណូល​របស់​អ្នក​។ 

៤) ការ​សន្សំ​ប្រាក់​ជា​រឿង​ទីមួយ ចំណែក​ការចំណាយ​ជា​រឿង​ទី​ពីរ 

​មនុស្ស​ជាច្រើន​តែង​សន្សំ​ប្រាក់​ដែល​សល់​បន្ទាប់ពី​ការចំណាយ​លើ​សេវា​ប្រចាំខែ​នានា ប៉ុន្តែ​ចំពោះ​លោក Buffett បាន​ណែនាំ​ថា​អ្នក​គួរ​កំណត់​ខ្លួនឯង​ជាមុន​នូវ​ទំហំ​ទឹកប្រាក់​ដែល​សន្សំ​បន្ទាប់មក​អ្នក​ត្រូវ​ចំណាយ​នូវ​ទឹកប្រាក់​ដែល​នៅសល់​។ 

៥) សំលៀង​ជំនាញការ​និយាយ​របស់​អ្នក​ឲ្យ​កាន់តែ​មុត​ស្រួច 

​គ្រប់​សហគ្រិន​ដែលមាន​សមត្ថភាព​ប៉ិនប្រសព្វ​ខាង​ការទំនាក់ទំនង គឺជា​កូនសោ​សំខាន់​មួយ​ដែរ​ដើម្បី​ឈានទៅរក​ភាពជោគជ័យ​។ សម្រាប់​លោក Buffett ខ្លួនឯង​នៅ​ថ្ងៃ​ដែល​ចាប់ផ្ដើម​វិនិយោគ​ដំបូង​លោក​មានការ​ភ័យខ្លាច​យ៉ាងខ្លាំង​នៅពេល​ឡើង​ថ្លែង​សន្ទរកថា​ជា​សាធារណៈ ដោយពេល​នោះ​ហើយ​លោក​បាន​ទៅ​ចុះឈ្មោះ​ចូលរៀន​បន្ថែម​ទៅលើ​ជំនាញ​នេះ​។ 

៦) ការពារ​និង​រក្សា​កេរ្តិ៍​ខ្លួនឯង 

​លុយ​អាច​ងាយ​រកបាន ហើយក៏​ងាយ​បាត់បង់​ទៅវិញ​ដែរ ប៉ុន្តែ​កេរ្តិ៍ឈ្មោះ​របស់​មនុស្ស​ដែល​បាត់បង់​ទៅហើយ​មិន​ងាយ​រកបាន​មកវិញ​នោះទេ​។ លោក Buffett បាន​សង្កត់ធ្ងន់ថា​សារសំខាន់​បំផុត​ក្នុង​ជីវិត​គឺ​ការ ការពារ ទាំង​កេរ្តិ៍ឈ្មោះ​ខ្លួនឯង និង កេរ្តិ៍ឈ្មោះ​របស់​ក្រុមហ៊ុន​។ 

៧) ទប់ចិត្ត​ខ្លួនឯង​ចំពោះ​ការវិនិយោគ​លើ​អ្វីមួយ​ដែល​ល្បី​តែមួយ​ឆាវ​

​លោក Buffett មិនដែល​បោះ​ភាគហ៊ុន​ជាមួយ​កម្មវិធី​បណ្តាញ​សង្គម ឬ បច្ចេកវិទ្យា​ថ្មីៗ​ឡើយ​ព្រោះ​លោក​យល់ឃើញថា​គ្មាន​នរណាម្នាក់​អាច​ដឹងថា​បច្ចេកវិទ្យា​ថ្មី​ចុងក្រោយ​ទាំងនេះ អាចមាន​ប្រជាប្រិយ​ភាពខ្លាំង​ក្នុង​រង្វង់​ពេល ១០ ឆ្នាំ​ជាប់​គ្នា​ទៅមុខ​នោះទេ​។ 

៨) ស្រលាញ់​ការងារ​ខ្លួនឯង 

​លោក Buffett ថ្លែងថា​ជីវិត​គឺ​ខ្លី​ខ្លាំងណាស់ ដូច្នេះហើយ​គួរតែ​ចំណាយពេល​របស់​យើង ទៅធ្វើ​ការងារ​ណាមួយ​ដែល​យើង​ស្រលាញ់​ចេញពី​ចិត្ត​ពិត​គឺ​ល្អ​បំផុត​។ 

http://www.thebnews.com/news/964.html