វិធីសាស្ត្រទារលុយជំពាក់ពីកូនបំណុលឱ្យដូចបំណង
ថ្ងៃអាទិត្យ ទី២២ ខែកុម្ភៈ ឆ្នាំ២០១៥ ម៉ោង ០៩:៤៦
ពេលសេដ្ឋកិច្ចរីកចម្រើន កិច្ចការជំនួញក៏រីកដុះដាលដែរ ប៉ុន្តែមានដៃគូរកស៊ីមួយចំនួនហាក់លំបាកក្នុងនីតិវិធីទូទាត់សំណងពីការជាវផលិតផលផ្សេងៗ ។
មានវិធីសាស្ត្រមួយចំនួនប្រមូលលុយ ដែលកូនបំណុលជំពាក់ឱ្យបានសមតាមបំណងដូចទៅ៖
មានវិធីសាស្ត្រមួយចំនួនប្រមូលលុយ ដែលកូនបំណុលជំពាក់ឱ្យបានសមតាមបំណងដូចទៅ៖
១-នៅពេលអ្នកលក់ផលិតផល ឬផ្តល់ឥណទានឱ្យនរណាម្នាក់ខ្ចីយកទៅប្រើប្រាស់ សូមកុំភ្លេចផ្តល់ពេលវេលាពីថ្ងៃដែលត្រូវសងអ្នកមកវិញផង គឺលៃយ៉ាងណាពន្យល់ពីហេតុបច្ច័យផ្សេងៗ ប្រសិនជាពួកគេមិនរំឭកពីពេលដែលត្រូវទូទាត់សងអ្នកវិញនោះ ។
២-នៅពេលដែលកាលបរិច្ឆេទត្រូវទូទាត់សំណងមកដល់ពួកគេមិនបានអនុវត្តកាតព្វកិច្ចចូរលោកអ្នកទូរស័ព្ទ ឬទាក់ទងទៅពួកគាត់តាមវិធីមួយចំនួន ដែលធ្វើឱ្យគាត់នឹកឃើញថា បានជំពាក់បំណុលអ្នក ។ សូមប្រាប់ទៅពួកគាត់ថា អ្នកនឹងចាប់ផ្តើមបូកបន្ថែមថ្លៃពិន័យពីលើបំណុលនោះ ប្រសិនជាមិនត្រូវបានបង់ឬសង តាមកាលបរិច្ឆេទណាមួយទេនោះ ។
៣-ប្រសិនជាការធ្វើបែបនេះមិនបានជំរុញទឹកចិត្តគាត់ទេនោះ ចូរធ្វើដំណើរទៅជួបផ្ទាល់និងប្រាប់គាត់ថា គាត់នៅជំពាក់អ្នក ។ ប្រសិនជាការប្រតិបត្តិតាមប៉ុន្មានចំណុចនេះ នៅតែមិនបានលទ្ធផលដដែល ត្រូវធ្វើតាមផ្លូវតុលាការ ឬសកម្មភាពផ្សេងៗទៀត ដែលមានពេលខ្លះអាចនាំឱ្យអ្នកបាត់បង់នូវការរាប់អានក៏ថាបាន ។
៤-ប្រសិនជាបុគ្គលម្នាក់នោះពុំបានបង់តាមការបរិច្ឆេទណាមួយទេនោះ ចូរអ្នកទូរស័ព្ទទៅកាន់មេធាវីរបស់ខ្លួន ប្រសិនជាអ្នកកំពុងរៀបចំសកម្មភាពតាមផ្លូវតុលាការហើយនោះ ឬក៏ទូរស័ព្ទទៅកាន់កូនបំណុលនោះដោយប្រាប់គេថា វាគឺជាការខាតបង់របស់ពួកគេ ហើយជម្រាបលាតែម្តង ។
៥-ប្រសិនជាអ្នកទាក់ទងទៅមេធាវី គឺរំពឹងថានឹងអាចទទួលបានលុយនោះមកវិញក្នុងពេលឆាប់ៗ ។ ប្រសិនជាអ្នកបញ្ចប់ទំនាក់ទំនងនិងការរាប់អាន អ្នកនឹងប្រសើរទ្បើងដោយពុំមានការយល់យោគ ដែលជាហេតុនាំឱ្យគេមិនសងលុយមកអ្នកវិញនោះទ្បើយ ៕
- http://kohsantepheapdaily.com.kh/article/115291.html
Post a Comment