មូលហេតុទាំង៥បណ្តាលឲ្យគម្រោងការងារអាជីវកម្មរបស់អ្នកបរាជ័យ
១) ការកំណត់ពេលវេលា (Set a Timeline)
រាល់គម្រោងការងាររបស់អ្នកតែងមានពេលវេលាកំណត់មួយយ៉ាងជាក់លាក់ថា តើអ្នកត្រូវចាប់ផ្តើមអនុវត្តគម្រោងការងាររបស់អ្នកនៅពេលណា? និង បញ្ចប់ទៅវិញនៅពេលណា? អ្នកត្រូវធានាថា ពេលវេលាដែលរៀបចំឡើង ទាំងនេះត្រូវមានភាពច្បាស់លាស់និង សុក្រឹតបំផុតសម្រាប់ការអនុវត្ត បើមិនដូច្នេះទេគម្រោងការងាររបស់អ្នកមិនអាចសម្រេចបានជា ផ្លែផ្កានោះឡើយ។ រឿងមួយដែលគួរឲ្យព្រួយបារម្ភទន្ទឹមគ្នាននេះ នោះគឺថា បើអ្នកចំណាយប្រាក់ច្រើនហួសពីគម្រោងចំណាយដែលបានគ្រោងទុក មានន័យថា គម្រោងការងាររបស់អ្នកក៏បានបរាជ័យរួចស្រេចហើយដែរ។ ដើម្បីជៀសវាងបញ្ហាទាំងនេះ អ្នកត្រូវអនុវត្តគម្រោងណាដែលចាំបាច់ ហើយចាប់ផ្តើមធ្វើវាឲ្យមានប្រសិទ្ធភាពបំផុតឲ្យស្របតាមការ បរិច្ឆេទដែលបានកំណត់។
...វិធី៧យ៉ាងជួយលោកអ្នកឲ្យ នឹកឃើញគំនិតប្រសើរៗ! ...
២) បង្ហាញក្រុមការងារឲ្យយល់ច្បាស់ពីគម្រោងការងាររបស់អ្នក (Get everyone on the same page)
ការពិតមានកិច្ចការជាច្រើនណាស់នៅក្នុងអាជីវកម្មរបស់អ្នកដែលអ្នក មិនអាចធ្វើដោយខ្លួនឯងបាន ហេតុដូច្នេះ រឿងនេះអ្នកមិនអាចជៀសផុតបានពីការបែងចែកការងារ និងទំនូលខុសត្រូវលើក្រុមការងាររបស់អ្នកនោះឡើយ។ ចុះបើក្រុមការងាររបស់អ្នកមិនយល់ពីអ្វីដែលជាគម្រោង និង គោលដៅរបស់អ្នក តើពួកគេអាចសម្រេចផែនការនោះបានជោគជ័យដោយរបៀបណាទៅ? ភារកិច្ចដ៏សំខាន់នៅពេលនេះ អ្នកត្រូវលើកឡើងពីគម្រោងទាំងនេះឲ្យក្រុមការងារនីមួយៗបានយល់ ច្បាស់ពីគម្រោងនិង គោលដៅរបស់អ្នកជាមុនសិនថា តើពួកគេត្រូវធ្វើអ្វី? អ្នកណាខ្លះមានទំនូលខុសត្រូវលើគម្រោងថ្មីនេះ? តើគម្រោងការងារថ្មីនេះត្រូវដើរតាមផ្លូវមួយណា? ហេតុអ្វីបានជាត្រូវដើរលើគោលដៅនោះ? ជាករណីដ៏ចាំបាច់អ្នកត្រូវរៀបចំ របៀបវារៈសំខាន់ៗជាមុន មុននឹងកោះប្រជុំជួបពិភាក្សាជាមួយពួកគេក្នុងពេលវេលាដ៏ជាក់លាក់ ណាមួយដែលអ្នកបានគ្រោងទុក។
៣) បើកកិច្ចប្រជុំជារៀងរាល់សបា្តហ៍ (Hold Weekly Meetings)
ដូចអ្វីដែលបានលើកឡើងនៅចំណុចទី១ ស្រាប់គឺថា ការអនុវត្តគម្រោងការងារគឺជារឿងសំខាន់ត្រូវដើរឲ្យស្របតាម ពេលវេលាដែលបានកំណត់ឡើង ហើយនេះជាអ្វីដែលអ្នកចង់បាន។ ប៉ុន្តែនេះគ្រាន់តែជាទ្រឹស្ដីប៉ុណ្ណោះ តែការអនុវត្តមិនប្រាកដថា អាចធ្វើបានដូចការគ្រោងទុក១០០% នោះឡើយ ពោលគឺវាតែងតែមានឧបសគ្គណាមួយ ឬ ក៏អ្នកដែលមានទំនូលខុសត្រូវអនុវត្តគម្រោងការងារ ទាំងនេះមានការថ្លោះធ្លោយកន្លែងណាមួយ។ ដូច្នេះការកោះប្រជុំរៀងរាល់សបា្តហ៍គឺជារឿងសំខាន់ជាមួយសមាជិក ក្នុងក្រុមរបស់អ្នកដើម្បីពិនិត្យមើលលទ្ធផលនីមួយៗរបស់ពួកគេថា តើពួកគេបានអនុវត្តបានដល់កម្រិតណា? តើលទ្ធផលនោះគ្រប់គ្រាន់ហើយឬនៅ? តើអ្វីជាមូលហេតុនាំឲ្យគម្រោងការងារ នោះអនុវត្តមិនបានជោគជ័យ? ទាំងនេះជាកម្មវត្ថុនៃការបើកកិច្ចប្រជុំនេះដែលជាផ្នែកមួយ ធ្វើឲ្យប្រសិទ្ធភាពអនុវត្តគម្រោងការងារ ទទួលបានជោគជ័យបានដូចការគ្រោងទុក។
៤) ដាស់តឿនបុគ្គលសំខាន់ៗដែលពាក់ព័ន្ធក្នុងគម្រោងការងាររបស់អ្នក (Key Players in Project)
នេះជារឿងមួយមិនអាចប្រកែកបាន ព្រោះថាបើអ្នកចង់ឲ្យគម្រោងការងាររបស់អាចអនុវត្តបានយ៉ាងរលូន ហើយគ្មានអ្នកណាម្នាក់គេចវេស អ្នកត្រូវដាស់តឿនបុគ្គលសំខាន់ៗដែលជាក្បាលម៉ាស៊ីនក្នុងគម្រោង ការងាររបស់អ្នកបង្ហាញពីជំហរ និង សមត្ថភាពរបស់ពួកគេលើកិច្ចការនោះ។ យ៉ាងណាមិញ អ្នកត្រូវតែឈានជំហានទៅមុខបន្តិចដឹកនាំកិច្ចការនេះដើម្បីធ្វើ ជាគំរូដល់ពួកគេ បើមិនដូច្នេះទេភាពរអាក់រអួលច្បាស់ជាកើតមានជាក់ជាមិនខាន។ ការផ្ញើរអ៊ីមែល សូរស័ព្ទ ឬ ទំនាក់ទំនងតាមមធ្យោបាយផ្សេងៗទៀតជាប្រក្រតី គឺបានដើរតួនាទីមួយយ៉ាងសំខាន់សម្រាប់ការការក្រើនរំឮកដល់ ពួកគេ ត្បិតអីវាមានប្រសិទ្ធភាពធ្វើឲ្យបុគ្គលទាំងនោះមានទំនួល ខុសត្រូវ និង ផ្តល់ពេលវេលាសមស្របសម្រាប់អនុវត្តគម្រោងការងារនោះបានយ៉ាង ទៀងទាត់។
...ហេតុអ្វីបានជាសហគ្រិនត្រូវត្រៀមខ្លួនទទួលយកភាពបរាជ័យ ជាជាងភាពជោគជ័យ?...
៥) ការធ្វើឲ្យមានតម្លាភាពនៅពេលអនុវត្តគម្រោងការងារ (Promote Transparency)
នៅក្នុងការអនុវត្តគម្រោងការងាររបស់អ្នករមែងតែងមានព័ត៌មានល្អ និង អាក្រក់នៅពេលដំណាលគ្នានេះ ប៉ុន្តែអ្វីដែលធ្វើឲ្យក្រុមការងាររបស់អ្នកកាន់តែខិតខំប្រឹងប្រែង និង មានកម្លាំងចិត្តបំពេញការងាររបស់អ្នកបន្ថែមទៀតនោះគឺត្រូវធ្វើ ឲ្យពួកគេមានអារម្មណ៍ថា ការរួមចំណែករបស់ពួកគេមិនត្រូវបានមើលរំលង។ តើអ្វីទៅដែលអ្នកអាចជំរុញឲ្យមានតម្លាភាពមួយនៅទីនេះបាន? ការបង្ហាញថា គម្រោងការងារថ្មីនេះជាការងាររបស់ពួកគេ ឬ ដោយនិយាយថា ពួកគេម្នាក់ជាម្ចាស់កម្មសិទ្ធិលើគម្រោងថ្មីនេះ នោះហើយជាចំណុចរសើបមួយដែលធ្វើឲ្យពួកគេចាប់អារម្មណ៍ និង មានជំនឿជឿជាក់ដើម្បីបំពេញកិច្ចការនោះ។ ផ្ទុយទៅវិញបើអ្នកលើកមុខក្រុមការងារម្នាក់ ហើយដាក់កំហុស ឬ ដាក់បន្ទុកលើកបុគ្គលិកផ្សេងៗទៀតដោយមិនស្មើភាព ទីបំផុតអ្នកក៏មិនត្រូវស្តាយក្រោយដែរនៅពេលដែលគម្រោងរបស់អ្នក បរាជ័យ៕
http://www.thebnews.com/news/4861/
Post a Comment