ការសម្រេចចិត្ត៣ យ៉ាងមានឥទ្ធិពលដល់ការផ្លាស់ប្ដូរហិរញ្ញវត្ថុរបស់អ្នក
១) មានការប្រុងប្រយ័ត្នលើអ្វីដែលអ្នកផ្ដោតយកចិត្តទុកដាក់
សម្រាប់ខ្លួនអ្នកផ្ទាល់ អ្នកអាចផ្ដោតលើអ្វីគ្រប់យ៉ាងដែលអ្នកចង់គិត ដែលអាចកើតមានឡើងនៅថ្ងៃនេះ នៅថ្ងៃស្អែក ឬ អ្វីដែលកន្លងហួស។ យ៉ាងណាមិញ ទោះបីជាអ្នកបានផ្ដោតលើអ្វីក៏ដោយ អ្នកត្រូវតែប្រើប្រាស់ថាមពលរបស់អ្នក ហើយនេះនឹងមានឥទ្ធិពលគ្របដណ្ដប់ពេញមួយឆាកជីវិតរបស់អ្នក។ តើអ្នកកំពុងផ្ដោតទៅលើអ្វី? តើអ្វីទៅដែលមាន និង គ្មាននៅក្នុងឆាកជីវិតរបស់អ្នក? ប្រាកដណាស់ដែលថា អ្នកនឹងកំពុងគិតលើចំណុចទាំងអស់នេះ ប៉ុន្តែអ្វីដែលសំខាន់នោះគឺថា តើមួយណាដែលអ្នកចំណាយពេលវេលាលើវាច្រើនជាងគេ?
ជាជាងផ្ដោតលើអ្វីដែលអ្នកគ្មាន ឬ គិតទៅលើអ្នកណាម្នាក់ដែលមានលុយច្រើនជាងអ្នក យ៉ាងហោចណាស់អ្នកត្រូវដឹងថា អ្នកត្រូវមានមោទនភាពទៅនឹងអ្វីដែលមាននៅក្នុងថ្ងៃនេះ ហើយត្រូវគិតថា អ្វីៗដែលមាននៅលើលោកយើងនេះមិនមែនសុទ្ធតែត្រូវការលុយដើម្បីទិញ យកវាមកនោះឡើយ។ អ្នកអាចមានមោទនភាពទៅលើសុខភាព គ្រួសារ មិត្តភក្ដិ ឱកាស និង ចំណេះដឹងជាដើមដែលអ្នកមានលុយមួយចំនួនមិនមានដូចអ្នក។
...៦ ចំណុចបញ្ជាក់ថា ការងាររបស់អ្នកកំពុងបំផ្លាញជីវិតរបស់អ្នក...
សូមចាប់ផ្តើមបង្កើតទម្លាប់មួយកោតសរសើរ និង លើកទឹកចិត្តឲ្យខ្លួនឯងឲ្យបានច្រើនដែលធ្វើឲ្យជីវិតរបស់អ្នក មានភាពស្រស់ស្រាយ សុភមង្គល ហើយវាគឺជាទ្រព្យសម្បត្តិដ៏ប្រសើរ។ ប៉ុន្តែអ្វីដែលសំខាន់នៅទីនេះនោះគឺថា តើអ្នកបានគិតដល់ខ្លួនឯង សុខភាព និង ទឹកចិត្តរបស់អ្នកបានដល់កម្រិតណា? បើអ្នកគិតវាបានកាន់តែស៊ីជម្រៅនោះ សុភមង្គល និង ជីវិតដ៏រីករាយមួយនឹងអាចរកឃើញបាននៅទីនេះ។
សំនួរមួយទៀតដែលសំខាន់បំផុតមានឥទ្ធិពលដល់ជីវិតរបស់អ្នកនោះគឺ ថា តើអ្នកមានបំណងចង់គិតទៅលើអ្វីដែលអ្នកអាចគ្រប់គ្រងបាន ឬ លើអ្វីដែលអ្នកមិនអាចគ្រប់គ្រងបានដែរឬទេ? ប្រសិនបើអ្នកគិតទៅលើអ្វីដែលអ្នកមិនអាចគ្រប់គ្រងបាន ជីវិតរបស់អ្នកនឹងកាន់តែស្មុគស្មាញជាក់ជាមិនខាន ព្រោះថាវាបានគ្របដណ្ដប់ស្ទើរមួយឆាកជីវិតរបស់អ្នកដែលអ្នកមិនអាច ធ្វើបានទាល់តែសោះ។ ហេតុនេះហើយនៅពេលដែលអ្នកបានជួបបញ្ហានេះ អ្នកត្រូវបង្កើតការសម្រេចចិត្តផ្សេងវិញ ដែលមាននៅក្នុងចំណុចទី២នេះ។
២) រកឲ្យឃើញពីនិយមន័យជីវិតរបស់អ្នក
មិនចំពោះថា អ្នកបានគិតទៅលើជីវិតរបស់អ្នកដោយរបៀបណានោះទេ ឬ ស្ថិតនៅក្នុងស្ថានភាពណាក៏ដោយ ភាគច្រើនអ្នកទំនងមិនអាចធ្វើឲ្យជីវិតរបស់អ្នក ឬ ហិរញ្ញវត្ថុរបស់អ្នកប្រែប្រួលនោះឡើយ។ ជីវិតដ៏មានតម្លៃមួយ គួរតែត្រូវបានគ្រប់គ្រងឲ្យបានត្រឹមត្រូវ និង ធ្វើឲ្យវាស្ថិតនៅក្នុងកណ្ដាប់ដៃរបស់អ្នកជានិច្ច។ ជានិច្ចកាល អ្នកអាចមិនដឹងថាការគិតដ៏ស្លុងរបស់អ្នកនៅលើផ្លូវអវិជ្ជមាន តូចៗប៉ះពាល់ធ្ងន់ធ្ងរដល់ជីវិតរបស់អ្នកនោះឡើយ ហើយនៅពេលដែលបញ្ហាទាំងនោះកើតឡើងដូចជា សុខភាព បាត់បង់ការងារ គ្រោះថ្នាក់ តើនោះជាកំហុសរបស់អ្នកណា?
ជាការពិត ការគិតរបស់អ្នកយ៉ាងម៉េច ជីវិតរបស់អ្នកនឹងទៅជាយ៉ាងនោះដែរ។ បើអ្នកគិតក្នុងផ្លូវអវិជ្ជមាន ជីវិតរបស់អ្នកក៏ស្លុងទៅរឿងរ៉ាវអវិជ្ជមាននេះដែរ។ ប៉ុន្តែ ជីវិតមានតម្លៃណាស់ ហេតុដូច្នេះការធ្វើឲ្យជីវិតរបស់ខ្លួនស្រស់ស្រាយ វាជាឱសថដ៏ប្រសើរធ្វើឲ្យអ្នកមានជំនឿជឿជាក់កាន់តែរឹងមាំឡើង លើសពីអ្វីដែលអ្នកធ្លាប់គិតពីមុនទៅទៀត។ ការផ្លាស់ប្ដូរការគិត គឺជាបដិវត្តខួរក្បាលដ៏ធំមួយនាំទៅរកភាពជោគជ័យ ត្បិតអីអ្នកប្រាជ្ញ រួមទាំងបុគ្គលជោគជ័យជាច្រើនសុទ្ធតែផ្តល់ដំបូន្មានក្នុងទស្សនៈ ដូចគ្នានេះ។
សូមចាំថា ជីវិតដ៏មានន័យស្មើនឹងការគិតរបស់អ្នក ហេតុដូច្នេះអ្នកត្រូវក្តោបវាឲ្យជាប់នូវចំណុចវិជ្ជមាននានាមកដល់ ក្នុងខ្លួនរបស់អ្នក។ អ្នកត្រូវរៀនរស់ជាមួយបច្ចុប្បន្នកាលរបស់អ្នកឲ្យមានន័យបំផុត ហើយបង្កើតការគិតជាវិជ្ជមានមួយ ព្រោះថា អ្នកចាំបាច់ត្រូវឈានជើងចូលដល់ការសម្រេចចិត្តនៅក្នុង ដំណាក់កាលទី៣នេះ។
...អនុវត្តតាមគន្លឹះទាំង៤នេះ ដើម្បីដុសខាត់ជំនាញរបស់អ្នកឲ្យកាន់តែមុតស្រួច...
៣) គោលដៅដែលអ្នកត្រូវទៅ
អ្នកបញ្ចេញឥរិយាបថអ្វីមួយក៏ដោយសារតែអារម្មណ៍នៅក្នុងខ្លួន របស់អ្នក។ ប្រសិនបើអ្នកខឹង អ្នកនឹងឫកពារបស់អ្នកនឹងបញ្ចេញឡើងខុសប្លែកពីប្រក្រតី។ ហេតុដូច្នេះ បើអ្នកចង់គ្រប់គ្រងឥរិយាបថរបស់អ្នក លុះត្រាតែអ្នកបានផ្លាស់ប្ដូរអ្វីដែលអ្នកបានផ្ដោតកាន់តែឆាប់ដែរ ដើម្បីធ្វើឲ្យជីវិតដ៏មានន័យរបស់អ្នកកាន់តែមានថាមពលឡើង។
មនុស្សដែលមានកំហឹង នឹងធ្វើបញ្ចេញឥរិយាបថខុសពីប្រក្រតីបោកនេះបោកនោះ ស្រែកឡូឡា ឬ ស្ដីបន្ទោសខ្លាំងៗគ្មានហេតុផលទៅលើអ្នកដទៃ។ តែក៏មានដែរដែលមានបុគ្គលដែលមានកំហឹងហើយចូលចិត្តនៅស្ងៀមមិន និយាយស្តីអ្វីទាំងអស់។ យ៉ាងណាមិញ មានបុគ្គលមួយចំនួនទៀតបានទប់ស្កាត់កំហឹងរបស់ខ្លួនបានយ៉ាងល្អ ហើយសម្លឹងមើលឱកាសដ៏ល្អមួយឲ្យប្រសើរជាងនេះប្រៀបដូចជា ការសងសឹកនៅអ្វីដែលខ្លួនបានបាត់បង់។
តើធ្វើម៉េចដើម្បីទទួលបានឱកាសទាំងនោះឲ្យធ្លាក់មកលើកណ្ដាប់ដៃ របស់អ្នក? តាមពិតទៅវាមានសារសំខាន់ខ្លាំងណាស់ ព្រោះថាបើអ្នកមិនបានដឹងថា តើគ្រប់គ្រងសេចក្តីខកចិត្ត កំហឹង ទុក្ខព្រួយ ឬ អារម្មណ៍ឯកោរបស់អ្នកទេនោះ អ្នកមិនអាចផ្លាស់ប្ដូរជីវិតរបស់អ្នកបានឡើយ។ ឥឡូវនេះដល់ពេលដែលអ្នកផ្លាស់ប្ដូរហើយ ដើម្បីរៀបចំគោលដៅដ៏ល្អមួយដែលអ្នកចង់។
ទោះបីជាបែបនេះក្តី គោលដៅដ៏ជោគជ័យមួយអាចកើតមានបានលុះត្រាតែអ្នកបានបង្កើតគម្រោង ដ៏ជាក់លាក់មួយដែលអ្នកចង់ធ្វើដើម្បីសម្រេចគោលដៅនោះ ព្រោះគម្រោងដ៏ត្រឹមត្រូវរបស់អ្នក នឹងការពារអ្នកមិនឲ្យដើរខុសផ្លូវ។ អ្វីដែលសំខាន់ទន្ទឹមនឹងនេះទៀតនោះគឺថា សូមពង្រីកទំនាក់ទំនងរបស់អ្នកឲ្យបានកាន់តែច្រើនជាមួយមនុស្ស ថ្មីៗ ជាពិសេសអ្នកដែលមានបទពិសោធន៍ជីវិតប្រហាក់ប្រហែលនឹងអ្នក ឬ លើកយកបុគ្គលល្បីល្បាញណាមួយមករៀនសូត្រតាមដើម្បីធ្វើជាគំរូដល់ ខ្លួនឯ។ វាប្រាកដណាស់ដែរថា នៅពេលដែលអ្នកមានទំនាក់ទំនងដ៏ល្អមួយ អ្នកនឹងទទួលបានបទពិសោធន៍ និង គំនិតថ្មីៗកាន់តែច្រើន។ រឿងដែលសំខាន់បំផុតមួយទៀតនោះ គឺរក្សាការផ្លាស់ប្ដូរឬជាវិជ្ជមានជានិច្ច ទើបជីវិតរបស់អ្នកអាចស្គាល់ពន្លឺនៃសុភមង្គល និង ជោគជ័យបាន៕
http://www.thebnews.com/news/6469/
Post a Comment