បើចង់ក្លាយជាអ្នកមានអំណាចពិតប្រាកដ មិនត្រូវធ្វើរឿង៤យ៉ាងខាងក្រោមនេះឡើយ!
១) ស្តីបន្ទោសអ្នកដទៃ (Blame others)
នៅពេលដែលមានបញ្ហាកើតឡើងម្តងៗ ប្រសិនបើអ្នកជាមនុស្សខ្លាំង ឬ មានអំណាចពិតប្រាកដ វាមិនមែនជារឿងដែលត្រូវបន្ទោសលើអ្នកដទៃនោះទេ តែគឺជាការហ៊ានទទួលខុសត្រូវលើគ្រប់ហេតុការណ៍ដែលកើតឡើង ហើយព្យាយាមរកដំណោះស្រាយ។ ការស្តីបន្ទោសលើអ្នកដទៃ គឺជាមិនជាដំណោះស្រាយនោះទេ ប៉ុន្តែវាជាការបង្កបញ្ហាថ្មីមួយទៀត។ ការបង្កើតបញ្ហាថ្មី គឺនៅត្រង់ថា អ្នកបានធ្វើឲ្យអ្នកដទៃមិនអារម្មណ៍មិនល្អ ឬ អាចឈានដល់ការគុំគួនក៏ថាបាន។ ដូច្នេះ មនុស្សមានអំណាចពិតប្រាកដ តែងតែជៀសវាងការស្តីបន្ទោសអ្នកដទៃ តែបង្ហាញទំនួលខុសត្រូវរបស់ខ្លួនកាន់តែខ្លាំង។
២) ធ្វើការតែម្នាក់ឯង (Work alone)
មនុស្ស មិនមែនជាព្រះនោះទេ ដូច្នេះ ពួកគេពិតជាមិនអាចធ្វើអ្វីៗជោគជ័យគ្រប់យ៉ាងតែម្នាក់ឯងឡើយ បើទោះបីជាគេខ្លាំងប៉ុណ្ណាក៏ដោយ។ ត្រង់ចំណុចនេះ ដើម្បីឈានដល់ការជោគជ័យលើចំណុចអ្វីមួយ វាពិតជាចាំបាច់ណាស់ ក្នុងការសហការជាមួយនឹងមនុស្សជុំវិញខ្លួន ព្រោះមនុស្សច្រើនអាចបញ្ចេញយោបល់ល្អៗ ដែលជាប្រយោជន៍ដ៏សំខាន់ក្នុងការងារ។
...កំពូលសៀវភៅ១០ ក្បាល មានចំនួនអ្នកអានច្រើនជាងគេបំផុតក្នុងប្រវត្តិសាស្ត្រពិភពលោក...
៣) ចេះតែស្របតាមគេ (Go with the flow)
វា ពិតជារឿងដ៏ចាំបាច់ខ្លាំងក្នុងការស្តាប់មតិរបស់អ្នកដទៃ ដើម្បីទទួលបានយោបល់ និង គំនិតល្អៗជុំវិញបញ្ហាអ្វីមួយ។ ប៉ុន្តែអ្វីដែលសំខាន់ទៀតនោះ អ្នកត្រូវតែជាមនុស្សដែលមានជំហរច្បាស់លាស់ ហើយផ្អែកលើហេតុផល ដើម្បីអាចកំណត់ថា គំនិតមួយណា ល្អដែលគួរស្របតាម ហើយគំនិត ឬ មតិមួយដែលត្រូវប្រឆាំង។ ប្រសិនបើអ្នកចេះតែស្របតាមអ្នកដទៃតែម្យ៉ាងនោះ អ្នកពិតជាគ្មានថ្ងៃអាចសម្រេចគោលដៅអ្វីឡើយ ព្រោះវាបង្ហាញថា អ្នកគ្មានគោលការណ៍ច្បាស់លាស់នោះទេ។ ដូច្នេះ យើងអាចនិយាយបានថា មនុស្សមានអំណាចពិតប្រាកដ គឺមិនមែនចេះតែស្របតាមគេដោយគ្មានការពិចារណាច្បាស់លាស់នោះឡើយ។
...មេរៀនទាំង៥នេះ សហគ្រិនគ្រប់រូប មិនរៀនមិនបាន បើសិនចង់ជោគជ័យក្នុងអាជីវកម្ម!...
៤) ធ្វេសប្រហែសលើសុខភាពផ្ទាល់ខ្លួន (Neglect personal health )
សុខភាព គឺជារឿងដែលមិនអាចមើលរំលងបានឡើយ ព្រោះវាជាកត្តាមួយដែលកំណត់អនាគតរបស់អ្នកផងដែរ។ មានន័យថា បើសុខភាពមានបញ្ហាអ្នកប្រាកដជា មិនអាចក្លាយជាមនុស្សជោគជ័យ ឬ អស្ចារ្យអ្វីក្នុងសង្គមបានឡើយ។ ដើម្បីឲ្យប្រាកដថា អ្នកអាចសម្រេចគោលដៅអ្វីមួយ រឿងសំខាន់អ្នកត្រូវរក្សាសុខភាពឲ្យបានល្អជាមុនសិន។ ដូច្នេះ ចំពោះមនុស្សដែលមានអំណាច ឬ ឥទ្ធិពលនោះ គឺពិតជាកម្រធ្វេសប្រហែសនឹងបញ្ហាសុខណាស់៕
...រៀបចំយុទ្ធសាស្ត្រសំខាន់ៗ៦យ៉ាងនេះ ដើម្បីសាងផ្លូវជោគជ័យឲ្យហើយ នៅវ័យខ្ទង់ ២០ឆ្នាំ...
http://thebnews.com/news/4318/
Post a Comment