របៀប​ធ្វើការបើកអោយ Youtube Channel របស់អ្នកអាចរកលុយតាម Online

មាន​ប្រិយមិត្តជាច្រើន​បាន​សំណូមពរអោយពពកធ្វើការបង្ហាញពី របៀប​ធ្វើការបើកអោយ Youtube Channel របស់អ្នកអាចរកលុយតាម Online នៅក្នុង Youtube។ ថ្ងៃនេះ​យើងខ្ញុំសូមធ្វើការបង្ហាញនូវ​វិធីក្នុងការបើក Option មួយនឹង។

តម្រូវការអ្នកត្រូវមាន Youtube Channel ផ្ទាល់ខ្លួនមួយ ប្រសិនបើអ្នកមិនទាន់​សូមអានអត្តបទនេះពី វិធីងាយៗក្នុងការបង្កើត Youtube Channel ផ្ទាល់ខ្លួន តែបើលោកអ្នកមានហើយសូមធ្វើតាមវិធីខាងក្រោម៖

ដំបូងចូលទៅកាន់ Youtube Channel របស់អ្នក ដោយចុចលើពាក្យ My Channel ដែលនៅខាងឆ្វេង

បន្ទាប់មកចុចលើពាក្យ Video Manager ដែលនៅខាងលើដូចរូបខាងក្រោម

រួចហើយសូមចុចលើពាក្យ Channel

ក្រោយពីចុចហើយនោះអ្នកនឹងឃើញពីព័ត៌មានរបស់ Youtube Channel របស់អ្នក ជាពិសេសត្រង់ចំនុច Monetization ដែល Status របស់វាមានពណ៌ប្រផេះមានន័យថា Youtube មិន​អនុញ្ញាតិអោយធ្វើការបើក Monetization Option នៅឡើយទេ។

ដើម្បី​ធ្វើការបើក Option មួយនោះ យើងត្រូវធ្វើការផ្លាស់ប្តូរប្រទេសនៃ Youtube Channel របស់អ្នក ព្រោះថាប្រទេស Cambodia យើង Youtube មិនទាន់អនុញ្ញាតិអោយធ្វើការរកប្រាក់តាមរយៈវិដេអូនៅឡើយទេ។ វិធីផ្លាស់ប្តូរប្រទេសសូមចូលទៅកាន់ Advanced រួចហើយសូម ផ្លាស់ប្តូរត្រង់ Country ដោយជ្រើសប្រទេសណាមួយផ្សេង ឧទាហរណ៍ខ្ញុំជ្រើសរើសយកប្រទេស United States។ ពេលដែលជ្រើសរើសរួចសូមចុចលើប៊ូតុង Save

ក្រោយមកទៀតត្រលប់ទៅ Channel ម្តងទៀត នោះអ្នកនឹងឃើញត្រង់ចំនុច Monetization បាន​ផ្លាស់ប្តូរមកជាប៊ូតុង Enable មានន័យថាអ្នកអាចធ្វើការបើកនូវ Option មួយនេះបានហើយ ដោយចុចលើប៊ូតុង Enable។

រួចវានឹងចេញនូវផ្ទាំងមួយទៀត ដែលបញ្ជាក់ពីការបើក Monetization នៅក្នុងគណនេយ្យរបស់អ្នក ដូច្នេះសូមចុចលើប៊ូតុងពណ៌ខៀវ Enable My Account

បន្តរមកទៀតវានឹងចេញផ្ទាំងមួយដោយបញ្ជាក់ពីលក្ខណ័មួយចំនួនសម្រាប់ការចូលរួមកម្មវិធីរកលុយនៅក្នុង Youtube ត្រង់ចំនុចនេះ សូមជ្រើសរើសទាំងបីដូចរូបខាងក្រោម ហើយចុច I agree។

ហើយមកទៀតវានឹងចេញនូវ Option ដែលបង្ហាញពីលក្ខណៈនៃ Advertisement នៅក្នុងវីដេអូរបស់អ្នក ត្រង់ចំនុចយើងគ្រាន់តែចុច Monetize ប៊ូតុងទៅបានហើយ។

ហើយចុចប៊ូតុង Got it ជាការស្រេច

បន្ទាប់ពីធ្វើតាមការណែនាំខាងលើរួចហើយ ពេលដែលអ្នកត្រលប់មកមើលរាល់វីដេអូរបស់អ្នកនៅក្នុង Youtube Channel នោះអ្នកនឹងឃើញសញ្ញាដុល្លារពណ៌បៃតង នេះមានន័យ Youtube អនុញ្ញាតិអោយវីដេអូដែលមានសញ្ញានេះ ធ្វើការដាក់ផ្ទាំងផ្សព្វផ្សាយបានហើយ។

http://www.porpok.com/2015/10/20/how-to-enable-monetization-in-youtube-channel/